Пайшанба куни оқшомида  Москванинг "Чистие пруди" метро бекатида "Анжи" ишқибозлари ва Москва клублари ишқибозлари ўртасида тўқнашув бўлиб ўтди.

"Эхо Москви" тарқатган хабарга кўра, Европа лигаси плей-офф босқичи "Анжи"-"АЗ" учрашувидан сўнг "Локомотив" стадионидан қайтаётган "Анжи" ишқибозлар ўтирган поездга 100 нафар фанат ҳужум қилган.

"Жароҳат олганлар ҳам бўлганга ўхшайди, перронда кўплаб қон излари бор. Полиция бир неча кишини қўлга олган ва уларни "Сретенский бульвар" бекати орқали олиб чиққан", - дейилади радиохабарда.

Эслатиб ўтамиз,ўйин вақтида Москва жамоалари ишқибозлари "Анжи" учрашувларини Мосва стадионлариа ўтказишга қарши норозилик акциясини ўтказганлар.