Журналист Бен Жейкобснинг сўзларига кўра, "ПСЖ" ва Лионель Месси ўртасида аргентиналик Парижда қолиш муддатини узайтириш бўйича оғзаки келишув йўқ, бу 35 ёшли футболчининг “Барселона”га қайтиши мумкинлигига ишора қилмоқда.
Аввалги хабарларда Месси Қатардаги Жаҳон чемпионатида ғалаба қозонганидан сўнг Францияда қолиб, “ПСЖ” билан шартномасини узайтириши айтилганди, бироқ Бен Жейкобс клуб ҳужумчи билан оғзаки келишувга эга эмаслигини таъкидлаган эди.
Бу аргентиналик футболчининг "Камп Ноу"га қайтишини истаган "Барселона" мухлислари учун хушхабар бўлиши мумкин.
Хави Эрнандес аввалроқ Мессининг "Барселона"га қайтиши, агар футболчи бунга рози бўлса, ҳали ҳам имкони борлигини айтиб ўтганди:
"У нимани хоҳлайди, нимани ҳис қилади. Албатта, "Барселона" ҳар доим Мессининг уйи бўлган. Лео учун эшиклар очиқ бўлади, айниқса мен бу ерда мураббий бўлсам", деган эди Хави.
