"Барселона" бош мураббийи Хави Эрнандес жамоасининг Испания чемпионати доирасида "Севилья"га қарши бўлиб ўтадиган ўйиндан олдинги фикрлари билан ўртоқлашди.
Эслатиб ўтамиз, Андалусия клуби мавсум давомида мураббийини ўзгартириб, Хулен Лопетегининг ўрнига Хорхе Сампаолини тайинлаган эди. Жамоа ҳозирда турнир жадвалида 13-ўринда бормоқда.
"Севилья" бу мавсумдаги натижаларга қарамай, жуда қийин рақиб. Сампаоли ажойиб мураббий ва ўйин биз учун анча қийин бўлади”, - деди Хави матбуот анжуманида.
“Барселона” айни дамда “Реал”дан икки очко фарқ билан Ла Лига турнир жадвалида пешқадамлик қилмоқда. Агар “кўк-анорранглилар” “Севилья”ни мағлуб этса, орадаги фарқ беш очкога етади.
