Бугун лондонликлар 0:1 ҳисобида «Эвертон»га мағлуб бўлишди. Бунгача «канонирлар» ҳар икки сафар ҳам меҳмонда 1:2 ҳисобида мағлуб бўлгани ҳақида хабар берган эдик.
Лэмпарднинг истеъфосидан кейин Шон Дайч қўл остида «Эвертон» дастлабки учрашувни пешқадам «Арсенал»га қарши ўтказиб, муҳим ғалабага эришди. Шу тариқа Шон Дайч дебют ўйинидаё турнир пешқадамини мағлуб этган иккинчи мутахассисга айланди. Бунгача 2006 йилда Алан Карбишли «Вест Хэм» билан «МЮ»ни енгган.
Шу тариқа, «Арсенал» 50 очко билан пешқадамлик қилаётган бўлса, «Эвертон» 18 очко билан 19-поғонадан 17-ўринга кўтарилди.
