Донецкнинг "Шахтёр" клуби яримҳимоячиси Виллиан клуб раҳбарлари нима учун уни "Тоттеҳэм"га қўйиб юбормаётганликларидан ҳайрон.
- Менга "Тоттенҳэм"дан таклиф тушди, аммо "Шахтёр" мени қўйиб юбормаяпти. Жамоада менинг чизиғимда ўйнайдиган кўп футболчилар бўлса ҳам. Кўпчилиги Бразилиялик. Клуб раҳбарияти ўйинчиларни сотиб олади ва сотишдан бош тортади. Ҳамма муаммо шунда. Европа клубига ўтишни исташим ҳеч кимга сир эмас. Донецкда 5 йилдан буён тўп тепаяпман. Бу давр ичида кўплаб совринларга эга бўлдик. Умид қиламанки, клуб президенти менинг фикрларимни инобатга олади. Менинг бутун фаолиятим "Шахтёр"да ўтишини хоҳламайман. Ўтган қишда мени "Челси"га сотмаган эдилар, энди "Тоттенҳэм"га қўйиб юбормаяптилар. Бу менга ёқмаяпти, - дея Виллианнинг сўзларини келтиради Daily Mail.
Британия ОАВ хабарларига кўра "Тоттенҳэм" 24 ёшли Бразилиялик учун 20 миллион фунт таклиф қилмоқда.