"Бавария" ва "Ливерпул"нинг собиқ футболчиси Дитмар Хаманн Мюнхен клуби ва Германия терма жамоаси дарвозабони Мануэль Нойернинг шов-шувли интервьюсига изоҳ берди.
Эслатиб ўтамиз, 36 ёшли дарвозабон ўз интервьюсида "Бавария" раҳбариятининг дарвозабонлар мураббийи Тони Тапаловични ишдан бўшатиш ҳақидаги қарорини танқид қилган эди.
"Нойернинг баъзи баёнотлари мени чалғитиб юборди. Бу унинг шахсий бемаънилиги ҳақида. Мануэль клубни эмас, ўзини биринчи ўринга қўяди. Нойер шов-шувли интервьюдан кейин жамоани тарк этиши мумкинми? Ҳаммаси Ян Зоммернинг яқин уч-тўрт ой ичида қандай ўйнашига боғлиқ бўлади. Лекин агар мендан у яна клубда ўйнайдими деб сўрасангиз, энди мен салбий жавоб берган бўламан", - деди Хаманннинг сўзларидан иқтибос келтирмоқда Sky Germany.
