Ярим ҳимоячи Николо Дзаньоло қишки трансфер ойнасида "Рома"ни тарк этиши мумкин. Сўнгги пайтларда 23 ёшли футболчини "Галатасарой" билан боғлаш ҳақида миш-мишлар фаол тарқалмоқда.
Шунингдек, Дзаньолога Туркиянинг яна бир топ-клуби - "Фенербахче" қизиқиш билдирмоқда. Бу ҳақда журналист Жанлука ди Марцио маълум қилди.
Қайд этилишича, "Рома" Николо Дзаньолони ижарага эмас, сотишга қизиқмоқда.
Айтиш жоизки, Туркияда трансфер ойнаси 8 февраль куни ёпилади, яъни клубларда ҳали вақт бор.
Тransfermarkt портали экспертлари Николо Дзаньолони 30 миллион еврога баҳоламоқда.
