Мадриднинг "Реал" клуби бош мураббийи Карло Анчелотти жорий мавсум Ла Лигадаги чемпионлик пойгасидаги вазият ҳақида гапирди.
Эслатиб ўтамиз, бугун "қаймоқранглилар" "Мальорка"га мағлуб бўлди ва яна қимматли очколарни йўқотди. Энди биринчи ўринда бораётган "Барселона" "Реал"дан нафақат беш очко олдинда, балки ўйин захираси ҳам бор ва бу фарқни 8 очкога ошириши мумкин.
“Биз Ла Лига учун охиригача курашамиз. Бу ҳали охири эмас, бизни ҳали кўп ўйинлар кутиб турибди. Бугун биз билан содир бўлган воқеа ҳар бир ўйинда содир бўлиши мумкин", - деди Анчелотти AS билан суҳбатда.
Бугун тунда "Реал"нинг тўғридан-тўғри рақиби "Барселона" ўз майдонида Ла Лиганинг жорий мавсумида кутилмаганда аутсайдер мақомига эга бўлган "Севилья" билан ўйнайди.
