АПЛ пешқадамлари “Арсенал” ва “Манчестер Сити” бир вақтнинг ўзида очко йўқотишди.

Бугун “шаҳарликлар” Англия чемпионатининг 22-тур учрашувида “Тоттенхэм”га имкониятни бой беришди (0:1). Бир кун аввал “канонирлар” сафарда “Эвертон”га (0:1) имкониятни бой берганди.

"Арсенал"да 20та ўйиндан кейин 50 очко бор, клуб Премьер-лигада пешқадамлик қилмоқда. "Ман Сити" 21 ўйиндан кейин 45 очко билан иккинчи ўринда бормоқда.

“Манчестер Юнайтед” “Кристал Пэлас” устидан 2:1 ҳисобида ғалаба қозониб, учинчи ўринда бормоқда. Манкунианликлар 21 учрашувда 42 очкога эга.

Тўртинчи ўринда "Вест Хэм" билан 1:1 ҳисобида дуранг ўйнаган "Ньюкасл" (21 ўйинда 40 очко), "Тоттенхэм" бешинчи (22 учрашувда 39 очко).