Жорий мавсум якунланганидан сўнг Мадриднинг «Реал» клуби таркибида жиддий ўзгаришлар юз бериши мумкин. «Қаймоқранглилар» раҳбарияти жамоани кўплаб позицияларда кучайтириш зарур деб ҳисобламоқда.

Pacojo Delgado нашрининг хабар беришича, клуб ҳимоя маркази ва қанотлари учун янги ўйинчилар изламоқда. Шунингдек, янги ҳужумчи, вингер ва иккита марказий ярим ҳимоячи сотиб олиш бўйича ҳам ишлар олиб борилмоқда.

Шу билан бирга, манбанинг таъкидлашича, «Реал»да янги бош мураббий тайинланиши мумкин. Жамоа таркиби айнан янги мураббийнинг талаблари асосида, узоқ муддатли истиқболни кўзлаган ҳолда шакллантирилади.

Ҳозирда мадридликлар Ла Лига турнир жадвалида иккинчи ўринни эгаллаб туришибди ва пешқадам «Барселона»дан тўрт очкога ортда қолмоқдалар.