Мадриднинг "Реал" клуби ярим ҳимоячиси Эдуардо Камавинга ўйин вақтининг қисқариб бораётганидан норози. Бу ҳақда The Touchline нашри хабар бермоқда.
Манба берган маълумотларга кўра, француз хавбеки жамоада муҳимроқ рол ўйнашни истайди. Бироқ, аввалроқ Камавинга "Реал"да "дахлсиз" футболчи эмаслиги, шу сабабли "қаймоқранглилар" муносиб таклиф тушса, уни исталган вақтда қўйиб юбориши мумкинлиги таъкидланган эди.
Жорий мавсумда 23 ёшли Камавинга барча мусобақаларда 32 та ўйинда иштирок этди, 2 та гол урди ва ўз ҳисобига битта голли узатмани ёздириб қўйди.
Transfermarkt портали мутахассислари ярим ҳимоячининг трансфер қийматини 50 миллион еврога баҳолашмоқда.
