«Аталанта» ярим ҳимоячиси Эдерсон келаётган ёзда «Манчестер Юнайтед»га кўчиб ўтиши мумкин.
«Қизил иблислар» бир неча йилдан бери бразилиялик футболчига даъвогар сифатида кўрилади, бироқ шу пайтгача иш аниқ музокараларгача етиб бормаган эди. Tuttomercatoweb маълумотларига кўра, Англия гранди «Аталанта»нинг футболчини икки баравар арзонроққа — 60 миллион евро ўрнига 30 миллион еврога сотишга тайёрлигини билгач, 26 ёшли ўйинчига яна қизиқиш билдирган. Бундай катта чегирма ярим ҳимоячининг шартномаси келгуси йилнинг ўрталарида ниҳоясига етиши билан боғлиқ.
Transfermarkt портали Эдерсоннинг қийматини 40 миллион еврога баҳоламоқда. Аввалроқ футболчининг Мадриднинг «Атлетико» клуби билан дастлабки келишувга эришгани ҳақида хабарлар тарқалган эди.
