"Тоттенхэм" ҳужумчиси Харри Кейн "Манчестер Сити" устидан қозонилган ғалаба (1:0), шунингдек, Алан Ширернинг АПЛда урилган голлар сони бўйича рекорди ҳақида гапирди.
“Биз лиганинг энг яхши жамоаларидан бирига қарши ўйнадик, бу жуда муҳим ўйин бўлди. Ҳужумчи сифатида сиз доимо ғалаба голини орзу қиласиз, шунинг учун бу шунчаки ажойиб кеча эди. Лекин ҳозир бор эътиборимни тўлиқ “Лестер” билан ўйинга қаратганман.
“Тоттенхэм” сафидаги илк голимни “Шемрок Роверс”га қарши ўйинда ургандим. Бу жуда, жуда узоқ вақт олдин бўлган эди. Мен тарихдаги энг буюк футболчилардан бири Жимми Гривздан ўзиб кетганимдан жуда хурсандман. Ширернинг рекордини ҳам уришга ҳаракат қиламан", деди ҳужумчи.
