"Ньюкасл" ва Англия терма жамоасининг собиқ ҳужумчиси Алан Ширер ушбу турнирда "Манчестер Сити"га қарши (1:0) АПЛнинг 22-турида ўзининг 200-голини урган "Тоттенхэм" ҳужумчиси Харри Кейннинг ютуғи ҳақида гапирди.
Эслатиб ўтамиз, бугунги кунда Англия чемпионатларида голлар сони бўйича рекордчи 260 та гол урган Ширер ҳисобланади.
"Кейн менинг рекордимни янгилашига қарши эмасман. Агар у ўша формада қолса ва бу мамлакатда ўйнашда давом этса, у буни амалга оширади. У ажойиб тўпурарлардек ўйнайди", - деди Ширер АПЛ расмий сайтига.
Эслатиб ўтамиз, Кейн 2011 йилдан бери "Тоттенхэм"нинг асосий жамоасида ўйнаб келмоқда. 29 ёшли ҳужумчи жорий мавсум “шпорлар” сафида 30 та ўйинда майдонга тушиб, 19 та гол урди ва 3 бор жамоадошларига ассистентлик қилди.
