"Бавария" ярим ҳимоячиси Жошуа Киммих жамоанинг янги сардори бўлиши мумкин. Мюнхенликлар бош мураббийи Юлиан Нагельсманн дарвозабон Мануэль Нойердан сардорлик боғичини олиб, Киммихга бериш ҳақида жиддий ўйламоқда.

Bild нашри хабарига кўра, агар шундай қарор қабул қилинса, бу кейинги мавсумдан бошлаб кучга киради. Эслатиб ўтамиз, Нойер оёғи синганлиги сабабли жорий мавсумнинг қолган қисмини ўтказиб юборади.

Яқинда Мануэль шов-шувли интервью бериб, "Бавария" раҳбариятини дарвозабонлар мураббийи Тони Тапаловични ишдан бўшатгани учун танқид қилганди. Қайд этилишича, дарвозабон аввалроқ Нагельсманн билан кескин муносабатда бўлган.