Якшанба куни Мадриднинг "Реал" клуби Испания чемпионати доирасида "Мальорка"га қарши меҳмонда ўйнади. Мадридликлар ҳужумчиси Винисиус Жуниор мезбонлар мухлислари томонидан ирқий ҳақоратга учради.
Ла Лига воқеа юзасидан текширув бошлади. Ташкилот ҳақоратомуз сўзларни айтган шахсларни аниқлаб, жазоламоқчи. Ла Лига махсус электрон почта манзили орқали қимматли маълумотларни алмашиш учун "Мальорка" мухлисларининг ёрдамига умид қилмоқда.
Эслатиб ўтамиз, "Мальорка" ўз майдонида "Реал"ни 1:0 ҳисобида мағлуб этганди. Тур якунига кўра, Мадрид ва "Барселона" ўртасидаги фарқ 8 очкога етди.
