"Ливерпуль" Роберто Фирмино билан шартномани узайтирмоқчи.
Ҳужумчининг клуб билан амалдаги шартномаси 2023 йилнинг ёзида якунига етади.
Журналист Фабрицио Романонинг ёзишича, бош мураббий Юрген Клопп Фирминони "Ливерпуль"да қолишини истайди. Янги шартнома бўйича музокаралар давом этмоқда - клуб бразилияликга қисқа муддатли шартнома таклиф қилмоқда.
Маълум бўлишича, Фирминонинг "Ливерпуль" билан янги шартномаси 2025 йилгача мўлжалланган. У яна бир мавсумга узайтириш имкониятини ўз ичига олади.
Бунгача "Интер" ёзда Робертони текинга қўлга киритиш истаги борлиги ҳақида маълумот пайдо бўлганди.
Фирмино 2015 йилдан буён "Ливерпул"да тўп суради. Жорий мавсумда у клуб сафида барча турнирларда 21 ўйинда 9 та гол урди ва 4 та голга ассистентлик қилди.
