"Реал" директори Эмилио Бутрагеньо "Реал" ҳужумчиси Карим Бензема ҳақида ўз фикрлари билан ўртоқлашди.
“Жамоада шундай тоифадаги ва қадриятли футболчи борлигидан фахрланаман. Спортчилар жамиятга ўрнак бўлишга ҳаракат қилишлари жуда муҳим, Бензема эса шундай футболчилардан бири", - дея Бутрагеньонинг сўзларини келтиради Marca.
Эслатиб ўтамиз, Бензема 2009 йилдан бери "Реал Мадрид" шарафини ҳимоя қилиб келмоқда. Ўтган йили франциялик ҳужумчи жаҳон футболидаги энг нуфузли шахсий мукофот – “Олтин тўп” билан тақдирланган эди.