"Манчестер Юнайтед" ва Англия терма жамоасининг собиқ ҳимоячиси Рио Фердинанд Жайдон Санчонинг Эрик тен Хаг ихтиёрига қайтиши ҳақида фикр билдирди.
"Жейдон Санчо жамоага қайтди ва агар у яна тўлиқ куч билан ўйнай олса, бу клуб учун янги трансферга ўхшайди. Агар сизда Санчодек иқтидорли, ўз салоҳиятини тўлиқ намойиш этадиган футболчи бўлса, ҳар қандай рақибга хавф туғдириш мумкин. Жейдон ҳимоячиларга муаммо туғдириши мумкин", - деди Фердинанд Goal.com билан суҳбатда.
Эслатиб ўтамиз, 1 февраль куни Жейдон Санчо ўтган йилнинг октябрь ойидан бери биринчи ўйинини ўтказди ва Лига кубоги ярим финалида "Ноттингем Форест"га қарши учрашувда захирадан майдонга тушди.
