«Манчестер Юнайтед» бош мураббийи Эрик тен Хаг сешанба куни бўлиб ўтган матбуот анжуманида «Манчестер Сити» ҳақидаги саволга жавоб берди.
Премьер-лига бир кун аввал «Манчестер Сити» томонидан содир этилган молиявий қоидабузарликлар рўйхатини эълон қилди. Текширув билан махсус мустақил комиссия шуғулланади.
«Бу масала бўйича менинг фикрим йўқ. Мен молиявий қоидалар туфайли бу ерда эмасман. Мен футбол мураббийиман ва ишимни бажараман. Бошқа одамлар молия билан шуғулланиши керак», деди Тен Хаг журналистларга.
Чоршанба оқшомида «Манчестер Юнайтед» ўз майдонида «Лидс»ни қабул қилади.
