Польшалик собиқ футболчи ва УЕФА вице-президенти Збигнев Бонек "Наполи"нинг кучи ҳақида гапирди.
Лучано Спалетти шогирдлари “Ливерпул”ни ортда қолдириб, Чемпионлар лигасининг 1/8 финалига ишонч билан қадам қўйди ва айни дамда таъқибчиларидан 13 очколик фарқ билан А Серия турнир жадвалида пешқадамлик қилмоқда.
"Наполи" жуда зўр, лекин унутмангки, "Айнтрахт" ўткинчи рақиб эмас. Бироқ, неаполликлар ҳозирги даражасини сақлаб қолишса, узоққа боришади, деб ўйлайман.
Улар ҳатто Чемпионлар лигасида ғалаба қозонишни мақсад қилишлари мумкин. Менимча, "Наполи" "Реал"дан яхшироқ ўйнайди, чунки улар ғалабага қарши ҳужумлар ва қаттиқ ҳимоя орқали эмас, устунлик услубида эришади", - деди Бонек Football Italia билан суҳбатда.
