Мадриднинг “Атлетико” клуби “Бетис” ярим ҳимоячиси ва Аргентина терма жамоаси билан 2022 йилги жаҳон чемпиони Гидо Родригесга қизиқиш билдирмоқда. Бу ҳақда AS хабар бермоқда.
Манбага кўра, "матрасчилар" келаси кузга қадар ўз таркибини янгилаш ниятида ва Родригес уларнинг режаларига мос тушади.
"Қизил-оқлар" Гидо Родригесни ёзда ўз ярим ҳимоясини кучайтириш учун сотиб олмоқчи бўлган футболчилардан бири деб билишди. Аргентиналик футболчининг “Реал Бетис” билан шартномаси 2024 йилнинг июнь ойида тугайди ва “Атлетико” бу ёзда 28 ёшли футболчини нисбатан кичикроқ суммага сотиб олишларига умид қилмоқда.