"Бавария" ўзининг расмий сайтида дарвозабонлар бўйича янги мураббий тайинланганини эълон қилди. Мюнхен клуби Михаэль Рехнер билан шартнома имзолади. Аввалроқ у “Хоффенхайм”да ишлаган.
Яқинда Тони Тапалович "Бавария"да дарвозабонлар мураббийи лавозимини тарк этди. Миш-мишларга кўра, ушбу мутахассис Юлиан Нагельсманн билан можаро туфайли ишдан бўшатилган. Маълум бўлишича, Тапалович "Бавария" раҳбарларига мураббийлар штаби ёзишмалари ҳақида маълумот берган.
Айни дамда “Бавария” Германия чемпионатида пешқадамлик қилмоқда. Юлиан Нагельсманн шогирдлари навбатдаги ўйинни 11 февраль куни ўз майдонида "Бохум"га қарши ўтказади.
