Бугун «Локомотив» Туркия йиғинлари доирасидаги еттинчи назорат ўйинида иштирок этди.

Руминиянинг «Чиксереда» жамоаси рақиблик қилган учрашувда сўнгги дақиқадаги пенальти сабаб "темирйўлчилар" мағлуб бўлишди. Баҳс Маъруф Жумаевнинг тезкор голи билан бошланганди. Орадан кўп ўтмай ҳисоб тенглашди.

Учрашув давомида иккала жамоа ҳам икки хил таркибни майдонга туширди. Бу эса баҳснинг юқори темпда ўтишига туртки берди. Иккинчи бўлимда рақиблар дарвозамиз олдида кўп ҳам вазият яратгани йўқ эди. Бироқ сўнгги дақиқада белгиланган пенальти мағлубиятга сабаб бўлди, 1:2.

Назорат ўйини
«Локомотив» - «Чиксереда» 1:2
Голлар: Маъруф Жумаев (2, 1:0), Микаэл Панош (7, 1:1), Лорант Коваш (90+1, 1:2).
«Локомотив»: Рустам Нартаджиев, Маҳди Абдураимов, Жалолиддин Жумабоев, Исломжон Қобилов, Олег Зотеев, Шерзоджон Комилов, Нурмуҳаммад Тошпўлатов, Санжар Қодирқулов, Маруф Жумаев, Рустам Соиров, Симе Зузул.
Захирадан тушганлар: Зафар Сафаев, Манучеҳр Сафаров, Абдуллоҳ Йўлдошев, Самуэл Опеҳ, Мақсудхўжа Аълохўжаев, Жавоҳир Абдуалимов, Марат Бикмаев, Анваржон Алижонов, Али Абдураҳмонов.
«Чиксереда»: Силард Женже, Девид Келемен, Клаудио Апро, Пол Пирвулеску, Марк Коваш, Томас Хаднаги, Микаэл Панош, Софян Жебари, Балаш Тайти, Тони Сучиу, Левент Бара.
Захирадан тушганлар: Андре Гералия, Лорант Коваш, Эрвин Бакош, Даниел Вита, Балаш Чисер, Дино Станчич, Силар Вереш.