"Ливерпул"нинг собиқ футболчиси Дитмар Хаманн жамоадаги вазият ҳақида гапирди.
20 турдан кейин бор-йўғи 29 очко тўплаган Юрген Клопп шогирдлари Англия Премьер-лигасининг жорий турнир жадвалида ўнинчи ўринда бормоқда.
“Шубҳасиз, вазиятни тузатиш учун менежерга катта трансфер сармояси керак. Ҳозирча вазият фақат ёмонлашмоқда. Ўйинчилар руҳий жиҳатдан чарчаган кўринади ва мавсум ўтиши билан буни ўзгартириш деярли имконсиз вазифадир.
Ўйлайманки, "Ливерпул"нинг ҳозирги ярим ҳимоячиларининг аксарияти кейинги мавсумда жамоада бўлмаслиги керак", - дейди Хаманн.
