"Милан"нинг 41 ёшли ҳужумчиси Златан Ибраҳимович ҳали футболчилик фаолиятини якунлаш ҳақида ўйлагани йўқ. Бу ҳақда швециялик ҳужумчининг ўзи айтиб ўтди.
"41 ёшимда ҳали ёзишим керак бўлган саҳифалар кўп, чунки сифат ҳеч қачон йўқолмайди. Танам, жисмоний тайёргарлик ўзгармоқда, аммо сифат сақланиб қолмоқда.
Мен 41 ёшда "Милан"да ўйнаяпман ва энг юқори поғонадаман. Мен ўз тажрибамни бошқалар билан баҳам кўрмоқчиман. Мен ўзим учун эмас, клуб учун келдим. Агар мен ўзим учун яшаганимда, ҳозир бирор бир оролда сигарет чекиб ётган бўлардим", - деди Ибраҳимович Sport Mediaset билан суҳбатда.
Златан Ибраҳимовичнинг "Милан" билан амалдаги шартномаси шу мавсум охиригача мўлжалланган.
