"Milan"ning 41 yoshli hujumchisi Zlatan Ibrahimovich hali futbolchilik faoliyatini yakunlash haqida o‘ylagani yo‘q. Bu haqda shvesiyalik hujumchining o‘zi aytib o‘tdi.
"41 yoshimda hali yozishim kerak bo‘lgan sahifalar ko‘p, chunki sifat hech qachon yo‘qolmaydi. Tanam, jismoniy tayyorgarlik o‘zgarmoqda, ammo sifat saqlanib qolmoqda.
Men 41 yoshda "Milan"da o‘ynayapman va eng yuqori pog‘onadaman. Men o‘z tajribamni boshqalar bilan baham ko‘rmoqchiman. Men o‘zim uchun emas, klub uchun keldim. Agar men o‘zim uchun yashaganimda, hozir biror bir orolda sigaret chekib yotgan bo‘lardim", - dedi Ibrahimovich Sport Mediaset bilan suhbatda.
Zlatan Ibrahimovichning "Milan" bilan amaldagi shartnomasi shu mavsum oxirigacha mo‘ljallangan.
