Россия Премьер-лигасида 27 август куни 6-тур беллашувларига якун ясалади.

Ўзбекистон миллий терма жамоасига аъзо футболчилардан бири – Санжар Турсунов ҳаракат қилаётган Владикавказнинг «Алания» клуби «Ростов» майдонида имкониятни бой берди – 1:3. Меҳмонлар илк дақиқадаёқ тезкор гол билан олдинга чиқиб олганларига қарамай, ўйин якунига қадар Ян Голенданинг хет-триги мезбонларга 3 очко тақдим этди. Санжар Турсунов мазкур ўйинни асосий таркибда бошлаб, 67-дақиқага қадар ҳаракат қилди. Бу вақтга келиб таблода 3:1 ҳисоби ёниб турганди. Қайд этиш керак, Турсунов бунга қадар 2-турдан жой олган «Рубин»га қарши ўйиннинг 77-дақиқасида майдонга тушган ва унда «Алания» 2:1 ҳисобида муваффақият қозонганди. 6та ўйиннинг 2тасида зафар қучган ва 1тасида дуранг ўйнаган Турсунов жамоадошлари турнир жадвалининг 10-пағонасидан жой олишган.

Ўзбекистон миллий терма жамоасининг етакчи футболчиларидан бири – Одил Аҳмедов жароҳати сабаб сал кам 1,5 ойга сафдан чиқани учун «Мордовия»га қарши 6-тур ўйинини ҳам қўйиб юборди. Шунга қарамай Гуус Хиддинк шогирдлари 4:2 ҳисобида ғалаба қозониб, Премьер-лиганинг олтинчи вакили бўлиб туришибди.

Россия Премьер-лигасида 7-тур ўйинлари 31 август ва 2 сентябрь кунлари оралиғида бўлиб ўтади. 1 сентябрь куни «Алания» «Амкар»ни қабул қилса, эртасига «Анжи» Самарада «Криля Советов» меҳмони бўлади.