36 ёшида ҳужумчи Оливье Жиру юқори даражадаги ўйин кўрсатишда давом этмоқда, шунинг учун "Милан" у билан шартномани узайтиришни кутмоқда. Жирунинг агентларидан бири пайшанба куни Милан офисини тарк этар экан, футболчининг келажаги ҳақидаги саволга сирли тарзда жавоб берди.
"Кўрайликчи. Биз бир вақтнинг ўзида яқин ва узоқмиз. Футболда баъзида атиги беш сантиметр сизнинг офсайдда эканлигингизни ёки йўқлигини аниқлайди", - деди агент, унинг сўзларини Football Italia нашри келтирган.
2022/2023 йилги мавсумда Оливье Жиру 27 учрашувда майдонга тушган. Уларда франциялик футболчи 10 та гол ва шерикларига 6 та голли узатма берган.
