"Арсенал"нинг собиқ футболчиси Пол Мерсон "Ньюкасл" ҳимоячиси Киран Триппьер ҳақида фикр билдирди.

“Менга Киран Триппьер ёқади. У жуда кучли ва ўнг оёғи билан яхши зарба беради. У "Ньюкасл" учун муҳим футболчи. Триппьер жамоа учун ақл бовар қилмайдиган шартнома эди. У илгари жаҳон футболидаги энг интизомли жамоалардан бирида ўйнаган ва у ерда кўп нарсаларни ўрганган”, - дейди Мерсон.

Шу йилнинг январь ойида Триппьер "Ньюкасл" билан шартномасини икки йилга узайтирди. 32 ёшли ҳимоячи жорий мавсумда 21 та ўйинда майдонга тушиб, 1 та гол ва 4 та голли узатмага муаллифлик қилган.

2019 йилдан 2022 йилгача Триппьер Мадриднинг “Атлетико” клубида ўйнаган.