«Милан»нинг афсонавий ҳимоячиси Франко Барези клуб инқирозининг сабаблари ҳақида ўз фикри билан ўртоқлашди.
Италиянинг амалдаги чемпиони бўлган «Милан» чемпионатда кетма-кет учта ўйинда мағлуб бўлди, шунингдек, Италия кубогидан чиқиб кетди ва Суперкубок финалида «Интер»га имкониятни бой берди.
«Милан» ўтган мавсумда скудеттони қўлга киритганида нима қилганини унутмайлик. Унвонни ҳимоя қилиш эса узоқ танаффусдан кейин ғалаба қозонишдан кўра қийинроқ. Босим кучайиб бормоқда, масъулият юқори», дея Барезининг сўзларини келтирмоқда pianetamilan.it.
Жума оқшомида «Милан» чемпионат доирасидаги яна бир ўйинни - «Торино»га қарши ўтказади.
