«Milan»ning afsonaviy himoyachisi Franko Barezi klub inqirozining sabablari haqida o‘z fikri bilan o‘rtoqlashdi.
Italiyaning amaldagi chempioni bo‘lgan «Milan» chempionatda ketma-ket uchta o‘yinda mag‘lub bo‘ldi, shuningdek, Italiya kubogidan chiqib ketdi va Superkubok finalida «Inter»ga imkoniyatni boy berdi.
«Milan» o‘tgan mavsumda skudettoni qo‘lga kiritganida nima qilganini unutmaylik. Unvonni himoya qilish esa uzoq tanaffusdan keyin g‘alaba qozonishdan ko‘ra qiyinroq. Bosim kuchayib bormoqda, mas’uliyat yuqori», deya Barezining so‘zlarini keltirmoqda pianetamilan.it.
Juma oqshomida «Milan» chempionat doirasidagi yana bir o‘yinni - «Torino»ga qarshi o‘tkazadi.
