«Тоттенхэм» ҳужумчиси Сон Хён Мин 2022 йилда Осиёнинг энг яхши футболчиси деб топилди.

Жанубий Корея терма жамоасининг 30 ёшли футболчиси сўровномада 256 очко жамғариб, кетма-кет олтинчи йил, жами 8 та шундай мукофот билан совринни қўлга киритди.

Осиёлик футбол журналистлари ва экспертлари ўртасидаги овоз беришда кейинги ўринларда 120 балл билан Меҳди Тареми («Порту», Эрон терма жамоаси) ва Салим Ал-Досарий («Ал-Ҳилол», Саудия Арабистони терма жамоаси) бўлишди.

Кучли бешликка, шунингдек, «Наполи» ва Жанубий Корея ҳимоячиси Ким Мин Чже ҳамда Япония ҳамда «Брайтон» вингери Каору Митома кирган.

Сон жорий мавсумда 28 та ўйинда майдонга тушиб, 8 та гол ва 4 та голли узатмага муаллифлик қилган.

«Тоттенхэм» 11 февраль куни «Лестер» билан ўйнайди.