Жорий мавсумда "Челси"да ижара асосида ўйнаётган "Атлетико Мадрид" ҳужумчиси Жоау Феликс келажаги ҳақида гапирди.
"Лондонда менга ҳамма нарса мос келади, "Челси" ажойиб клуб. Шартномамизда сотиб олиш банди йўқ, шунинг учун агар улар мени сақлаб қолишни истаса, "Атлетико" билан музокара олиб боришлари керак. Менга клуб билан биринчи учрашувим жуда ёқди. Аммо келажакда мени нима кутаётганини билмайман", - дейди португалиялик ҳужумчи.
Феликснинг "матрасчилар" билан шартномаси 2027 йилнинг ўрталарига қадар тузилган. Унинг трансфер нархи 50 миллион еврога баҳоланмоқда.
