Каталониянинг "Барселона" клуби Менхенгладбахнинг “Боруссия” клуби ҳужумчиси Маркус Тюрамни кузатишда давом этмоқда.
Sport нашри хабарига кўра, "кўк-анорранглилар" ҳали ҳам 25 ёшли франциялик футболчини келаси ёзда текинга ўз сафига қўшиб олмоқчи.
Тюрамнинг бу мавсумда Бундеслигада 10 та гол ва 3 та голли узатмаси бор. У Бундеслигада Кристофер Нкунку ва Никлас Фюллькругдан кейин учинчи тўпурар ҳисобланади.
Олдинроқ Тюрамга "Бавария", "Интер" ва "Челси" клублари қизиқиш билдираётгани ҳақида хабарлар тарқалганди. Эслатиб ўтамиз, Маркуснинг отаси Лиллиан аввалроқ "Барселона"да марказий ҳимоячи сифатида тўп сурган.
