"Ливерпуль" бош мураббийи Юрген Клопп жамоадаги муаммолар асосан сардор Жордан Хендерсоннинг йўқлиги ва унинг етакчилик қобилияти билан боғлиқ деб ҳисобламайди.
"Нега биз битта футболчи ҳақида гапираётганимизни тушунмаяпман. Уни қанчалик ҳурмат қилишимни ҳамма билади, лекин битта футболчи ҳамма нарсага таъсир қила олмайди. Хендерсоннинг йўқлиги бизнинг асосий муаммомиз эмас. Ҳеч қачон бундай бўлмайди", - деди Клопп матбуот анжуманида.
Эслатиб ўтамиз, "Ливерпуль" ҳозирда Англия Премьер-лигаси турнир жадвалида ўнинчи ўринни эгаллаб турибди. Кейинги турда "мерсисайдликлар" "Энфилд"да "Эвертон" билан ўйнайди.
