"Ливерпуль" бош мураббийи Юрген Клопп "Эвертон"га қарши "мерсисайд дербиси"дан олдинги фикрлари билан ўртоқлашди.
Эслатиб ўтамиз, "Эвертон" ўтган турда ўз майдонида турнир жадвалида пешқадамлик қилаётган "Арсенал"ни мағлуб этди.
"Биз "Арсенал"га қарши ўйинда бўлган "Эвертон"ни кўришни кутмоқдамиз. Учрашувга тайёргарлик жараёнини айнан шундан бошладик. Дербидаги энг ёрқин лаҳза? Дивок Ориги сўнгги дақиқаларда ғалаба голини ургани" - деди Клопп матбуот анжуманида.
Эслатиб ўтамиз, "Эвертон" ҳозирда қуйи лигага тушиб кетиш зонасида жойлашган. "Ливерпуль" чемпионатда 10-ўринни эгаллаб турибди.