"Liverpul" bosh murabbiyi Yurgen Klopp "Everton"ga qarshi "mersisayd derbisi"dan oldingi fikrlari bilan o‘rtoqlashdi.
Eslatib o‘tamiz, "Everton" o‘tgan turda o‘z maydonida turnir jadvalida peshqadamlik qilayotgan "Arsenal"ni mag‘lub etdi.
"Biz "Arsenal"ga qarshi o‘yinda bo‘lgan "Everton"ni ko‘rishni kutmoqdamiz. Uchrashuvga tayyorgarlik jarayonini aynan shundan boshladik. Derbidagi eng yorqin lahza? Divok Origi so‘nggi daqiqalarda g‘alaba golini urgani" - dedi Klopp matbuot anjumanida.
Eslatib o‘tamiz, "Everton" hozirda quyi ligaga tushib ketish zonasida joylashgan. "Liverpul" chempionatda 10-o‘rinni egallab turibdi.