Bild нашри "Лейпциг" ҳимоячиси Йошко Гвардиол фаолиятини қаерда давом эттириши ҳақидаги тахминлари билан ўртоқлашди.
Эслатиб ўтамиз, хорватиялик футболчи аввалроқ Англия Премьер-лигасининг баъзи клублари ва "Реал" клубига ўтиши мумкинлиги ҳақида хабарлар тарқалганди.
"Ўйлашимча, Гвардиол учун асосий вазифа "Ливерпул"дир. У болалигидан бу клубга мухлислик қилишини ва бу клубда ўйнашни орзу қилишини аллақачон айтган эди. Биз "Реал"дан ҳам қизиқиш ҳақида эшитдик, аммо ҳозирда Гвардиолнинг Англия Премьер-лигасига ўтиш имконияти кўпроқ эканлигига ишонаман", - деб ёзади журналист Фалк ўз мақоласида.
20 ёшли Йошконинг нархи келаси ёзда 100 миллион евродан баланд бўлиши мумкин.
