"Манчестер Юнайтед" бош мураббийи Эрик тен Хаг зўрлаш айбловлари туфайли "қизил иблислар" сафида бир йил давомида сафдан чиққан ҳужумчи Мейсон Гринвуд билан алоқада бўлди.

Эслатиб ўтамиз, яқинда футболчидан барча айбловлар олиб ташланган, аммо "манкунианликлар" ўз текширувларини ўтказишини ва якуний хулосага кўра 21 ёшли Гринвуднинг келажаги бўйича қарор қабул қилишларини айтишган.

Mirror Football нашри хабарига кўра, Тен Хаг Мейсон билан ҳақиқатан ҳам алоқада бўлган, аммо нидерландиялик мутахассиснинг футболчи учун қандай режалари борлиги ҳозирча номаълум.

Эслатиб ўтамиз, Гринвуд 21 ёшига қадар "Манчестер Юнайтед" сафида 129 ўйин ўтказиб, 35 гол ва 12 голга ассистентлик қилган.