Ҳужумкор ярим ҳимоячи Марко Асенсио Мадридда қолиши мумкин. "Қироллик" клуби раҳбарияти унга маоши оширилган ҳолда тўрт йилга янги узоқ муддатли меҳнат шартномаси таклиф қилишга тайёр.

Манбанинг қайд этишича, "қаймоқранглилар" Асенсионинг маошини йилига 4,5 дан 4,8 миллион еврога оширади. Шу билан бирга, футболчининг агенти Хорхе Мендеш 5,5 миллион евро талаб қилмоқда, бироқ “Реал Мадрид” футболчи вакилининг шартларига рози бўлмаяпти.

27 ёшли футболчининг "Реал" билан амалдаги шартномаси жорий мавсум охирида якунига етади. Унинг трансфер нархи 25 миллион еврога баҳоланмоқда.