"Манчестер Юнайтед" бош мураббийи Эрик тен Хаг ҳужумчи Антони Марсьяль ва ярим ҳимоячи Скотт Мактоминайнинг "Барселона"га қарши Европа лигаси 1/16 финали биринчи учрашувида иштирок эта олишига ишонмаяпти.
"Менимча, Марсьяль ва Мактоминай "Барселона" билан ўйинда тикланиш учун вақт топа олмайди" - деди Тен Хаг матбуот анжуманида.
Эслатиб ўтамиз, иккала футболчи ҳам ҳозирда жароҳатларини даволамоқда ва ҳали тўлиқ майдонга қайтишдан йироқ. “Барселона” ва “Манчестер Юнайтед” сўнгги бор 2018/19 йилги Чемпионлар лигасининг чорак финалида тўқнаш келишган. Ўшанда каталонияликлар умумий ҳисобда 4:0 ҳисобида ғалаба қозонишганди.