"Арсенал" ҳужумчиси Рис Нельсон ёзда жамоани тарк этиши мумкин, дея хабар беради журналист Фабрицио Романо.
Манбага кўра, 23 ёшли англиялик билан шартномани узайтириш бўйича музокаралар тўхтаб қолган. Футболчининг амалдаги шартномаси 2023 йилнинг июнь ойи охиригача амал қилади ва кўплаб Европа клублари футболчига қизиқиш билдиришмоқда.
Шу билан бирга, Нельсоннинг ўзи фаолиятини Лондон клубида давом эттиришга рози, аммо "канонирлар" музокараларнинг янги босқичини ўтказишга шошилмаяпти.
Нельсон "Арсенал" тарбияланувчиси бўлиб, 2022/23 йилги мавсумда жамоа сафида 7 та ўйинда 2 та гол урди ва 2 та голли узатмани амалга оширди. Transfermarkt.com портали ҳужумчининг нархини 7 миллион еврога баҳоламоқда.
