"Arsenal" hujumchisi Ris Nelson yozda jamoani tark etishi mumkin, deya xabar beradi jurnalist Fabrisio Romano.
Manbaga ko‘ra, 23 yoshli angliyalik bilan shartnomani uzaytirish bo‘yicha muzokaralar to‘xtab qolgan. Futbolchining amaldagi shartnomasi 2023 yilning iyun oyi oxirigacha amal qiladi va ko‘plab Yevropa klublari futbolchiga qiziqish bildirishmoqda.
Shu bilan birga, Nelsonning o‘zi faoliyatini London klubida davom ettirishga rozi, ammo "kanonirlar" muzokaralarning yangi bosqichini o‘tkazishga shoshilmayapti.
Nelson "Arsenal" tarbiyalanuvchisi bo‘lib, 2022/23 yilgi mavsumda jamoa safida 7 ta o‘yinda 2 ta gol urdi va 2 ta golli uzatmani amalga oshirdi. Transfermarkt.com portali hujumchining narxini 7 million yevroga baholamoqda.
