"Челси" ярим ҳимоячиси Рубен Лофтус-Чик ноябрь ойидан бери биринчи марта Премьер-лига баҳсини асосий таркибда бошлайди. Бугун Тошкент вақти билан соат 17:30да бошланадиган "Вест Хэм" билан меҳмондаги Лондон дербисида инглиз биринчи дақиқаларданоқ майдонга тушади.

Лофтус-Чик бир неча ой давом этган жароҳати туфайли бир қанча ўйинни ўтказиб юборди. Бироқ, англиялик ҳозирда тузалиб бўлган ва тўлиқ майдонга қайтишга тайёр.

Маълумотларга кўра, дисквалификация туфайли сўнгги уч турни ўтказиб юборган ҳужумчи Жоау Феликс ҳам бугун "аристократлар"нинг асосий таркибида майдонга тушади.