Ҳужум чизиғида Лионель Месси, Килиан Мбаппе ва Неймар каби юлдузлар борлигига қарамай, "ПСЖ" ҳужумни кучайтириш вариантларини кўриб чиқишда давом этмоқда. Лига 1 гиганти “Тоттенхэм” футболчиси Харри Кейнни кузатиб бормоқда. Парижликлар ёзда инглиз футболчисининг трансфери бўйича таклиф билан чиқишлари мумкин.
Аввалроқ матбуотда "Тоттенхэм" кейинги ёзда Харри Кейнни бошқа мамлакат клубига сотиши мумкинлиги ҳақида маълумот пайдо бўлган эди. Ҳужумчининг "шпорлар" билан амалдаги шартномаси 2024 йилнинг ўрталарига қадар тузилган.
Нуфузли Transfermarkt портали экспертлари 29 ёшли Харри Кейнни 90 миллион еврога баҳоламоқда.
