Франция терма жамоаси ва Лондоннинг «Челси» клуби собиқ футболчиси, Чемпионлар лигаси ғолиби Флоран Малуда Англия клубининг собиқ хўжайини Роман Абрамовичга ҳурмат бажо келтирди.
«У мени «Челси»га таклиф қилиб, менга катта имконият берди ва бу шараф эди. У жуда талабчан раҳбар, бошқарувда яхши.
Унинг қарорлари баъзан қаттиқ эди, аммо натижаси шундай бўлди. Мен «Челси»да жуда кўп нарсаларни ўргандим, шу жумладан Абрамовичдан бошқарув жиҳатларини ўзлаштирдим. Бугун сиз ўз ишига бундай иштиёқли, ўзгача стратегияли бошлиқларни учратмайсиз», - деди француз.
