Fransiya terma jamoasi va Londonning «Chelsi» klubi sobiq futbolchisi, Chempionlar ligasi g‘olibi Floran Maluda Angliya klubining sobiq xo‘jayini Roman Abramovichga hurmat bajo keltirdi.
«U meni «Chelsi»ga taklif qilib, menga katta imkoniyat berdi va bu sharaf edi. U juda talabchan rahbar, boshqaruvda yaxshi.
Uning qarorlari ba’zan qattiq edi, ammo natijasi shunday bo‘ldi. Men «Chelsi»da juda ko‘p narsalarni o‘rgandim, shu jumladan Abramovichdan boshqaruv jihatlarini o‘zlashtirdim. Bugun siz o‘z ishiga bunday ishtiyoqli, o‘zgacha strategiyali boshliqlarni uchratmaysiz», - dedi fransuz.
