"Лион" ҳамда Франция терма жамоаси дарвозабони Уго Льорис шу ҳафта ичида Лондоннинг "Тоттенҳэм" клуби билан шартнома имзолашга яқин турибди.
Бу хақдаги хабарларни "Лион" клуби президенти ЖанғМишель Олас ўз интервьюсида тасдиқлаб ўтди.
"Биз "Тоттенҳэм" президенти билан музокараларни деярли якунладик. Ушбу ҳафта ичида Льориснинг трансфери амалга ошади. Ўйлайманки, бу трансфер ҳар иккала клуб учун фойдали бўлади", дея Оласнинг сўзларидан парча келтирмоқда Sky Sports.
Таъкидлаб ўтиш лозим, франциялик истеъдодли дарвозабоннинг трансфери учун "Тоттенҳэм" "Лион"га 15 миллион евро тўлаши кўзда тутилган.
