"ПСЖ" бош мураббийи Кристоф Галтье "Бавария"га қарши ўйин олдидан хавотирини билдирди.
Парижликлар кетма-кет икки марта мағлуб бўлишди - Франция кубогида "Марсель" (1:2), чемпионатда "Монако"га (1:3).
“Бизнинг ҳаракатларимиз шиддатли эмас эди. Ҳозир жамоанинг аҳволи шундай. Бу ғалати, лекин бу ҳақиқат. "ПСЖ" бош мураббийи сифатида ишлаб, буни айтиш ғалати, аммо ҳақиқат шундай.
Сешанба кунги ўйин мени хавотирга солмоқда. Кўрамиз, бугун асосий таркибга тушмаган ўйинчилардан бири сешанба куни майдонга туша оладими.
Бизда сезиларли даражада заифлашган жамоа бор ва биз хавотирдамиз. Аммо бундай даврда ақлнинг равшанлигини йўқотмаслик керак. Мухлисларнинг ғазабини ҳам тушунаман”, деди Галтье.
